Oktoberfest do të zhvillohet këtë vit

Festivali vjetor Oktoberfest, festivali më i madh i birrës në botë, do të zhvillohet këtë vit pa asnjë kufizim, pasi u anulua për dy vjetët e fundit për shkak të pandemisë, tha të premten kryebashkiaku i Mynihut, Dieter Reiter, transmeton albinfo.ch.

“Do të ketë një (festival) të pakufizuar, i cili shpresojmë se do t’u japë shumë njerëzve shumë kënaqësi”, tha Reiter në një konferencë shtypi, duke shtuar se ai kishte udhëzuar menaxhmentin e festivalit që të vazhdonte “pa vonesë dhe pa kufizime”.

Oktoberfest do të mbahet nga 17 shtatori deri më 3 tetor. Reiter, i cili tha se nuk e mori vendimin e tij lehtë për shkak të pandemisë si dhe luftës në Ukrainë, shtoi se ekzistonte mundësia që Oktoberfest të mund të anulohej nëse zyrtarët qeveritarë rivendosin masat pandemike.

Oktoberfest zakonisht tërheq rreth 6 milionë vizitorë në Mynih në vit, transmeton tutje albinfo.ch.