ORCA: Profesorët kosovarë, më të paguarit në rajon

Stafi akademik i universiteteve publike në Kosovë paguhet më shumë sesa stafi akademik i universiteteve të rajonit.

Kjo u tha në raportin e publikuar nga Organizata për Rritjen e Cilësisë në Arsim, në të cilin u krahasua pagesa mujore mes stafit akademik të rajonit dhe atij në Kosovë, raporton KTV, përcjell albinfo.ch.

Sipas këtij raporti, pagesa mujore për profesorët në Kosovë arrin deri në tre mijë e pesëqind euro, krahasuar me shifrat e profesorëve të universiteteve të tjera.

Rron Gjinovci nga ORCA tha se stafi akademik i universiteteve publike, me shtesa, i kalon edhe pagat më të larta në vend.

Sipas raportit, stafi akademik më i paguar në Kosovë është ai i Universitetit të Prishtinës.

Dallim të madh me profesorët kanë studentët. Në raportin e ORCA-s u tha se studentët përgjatë një muaji qëndrimi studentor në Prishtinë shpenzojnë 150 euro.

https://youtu.be/GyOqJA4aDYQ

---