Orhan Spahiu zgjidhet kryetar i Kuvendit të Shqiptarëve të Zvicrës

Kryetar u zgjodh Orhan Spahiu, ndërsa nënkryetarë: Remzi Durmishi dhe Hisni Zena. Janë zgjedhur edhe dy anëtarë të rinj: Mentor Bilalli dhe Adem Dërmaku

Kuvendi i Shqiptarëve të Zvicrës ka mbajtur më 14 maj 2022, mbledhjen e vet zgjedhore, në ambientet e Gemeinschaftszentrum Seebach, Zürich.

Pas hapjes së punimeve të mbledhjes, u raportua për aktivitetet gjatë këtij mandati, ku përfshihen reagimet në media të ndryshme, Java e kulturës shqiptare në Cyrih, pilotprojekti për shkollën shqipe në Baar etj.

Në vazhdim është bërë zgjedhja e kryesisë. Në kryesi u propozuan edhe 2 anëtarë të rinj: Mentor Bilalli (mjek, specialist) dhe Adem Dërmaku (artist, grafist), të cilët u votuan unanimisht nga të pranishmit.

Ndërsa janë rizgjedhur Gëzim Hasanaj, Jeton Kryeziu, Bedri Krasniqi, Ardian Retkoceri, Lurata Reci, Avni Binaku, Remzi Durmishi, Roland Wiprächtiger, Samir Zejneli, Rabit Redzepi, Hisni Zena dhe Orhan Spahiu.

Kryetar u zgjodh Orhan Spahiu, nërsa nënkryetarë Remzi Durmishi dhe Hisni Zena.

Orhan Spahiu është jurist i njohur dhe që nga themelimi, në kryesinë e Kuvendit të Shqiptarëve të Zvicrës. Për një mandat ka mbajtur po ashtu postin e kryetarit të këtij asociacioni.

---