Osmani: Askush nuk mund ta sfidojë paqen dhe lirinë tonë

Vjosa Osmani

Presidentja e Kosovës, Vjosa Osmani, e veshur me uniformë ushtarake si asnjëherë më parë, mbajti një fjalim para Forcave të Armatosura në Istog, përcjell albinfo.ch.

Gjatë fjalës së saj Osmani tha se lirinë dhe pavarësinë e Kosovës nuk mund ta sfidojë më askush.

“PËR TË GJITHË ATA QË DUAN TË SFIDOJNË PAQEN E LIRINË TONË, T’UA KUJTOJMË EDHE NJË HERË NGA KËTU KU JENI RRESHTUAR NË MBROJTJE TË FLAMURIT DHE VENDIT TONË, SE NUK KA ASGJË QË ARRIN TA MUNDË VULLNETIN E NJË POPULLI PËR TË JETUAR I LIRË DHE I PAVARUR”.

Osmani i kujtoi Beogradit zyrtar se dëshira për liri i dha fitoren UÇK-së ndaj makinerisë ushtarake serbe.

E KEMI DËSHMUAR NË VITET 90-ta, KUR USHTRIA JONË ÇLIRIMTARE, EDHE PSE E PAKËT NË NUMËR NË KRAHASIM ME USHTRINË GJENOCIDALE E POLICINË SERBE, KISHTE VULLNETIN E SHPIRTIN LUFTARAK SHUMËFISHTË MË TË MADH, SEPSE ISHTE NË MBROJTJE TË ATDHEUT. PIKËRISHT KY SHPIRT LUFTARAK NË MBROJTJE TË SHTËPISË SONË TË PËRBASHKËT, TË KOSOVËS, REZULTOI ME LIRINË QË E GËZOJMË SOT E TË CILËN DO TA MBROJMË ME ÇDO KUSHT E ÇDO MOMENT.

Presidentja Osmani nënvizoi më tej se synimi Forcave të Armatosura është modernizimi, rritja e buxhetit për mbrojtjen si dhe anëtarësimi në NATO.

Ajo falënderoi edhe partnerët ndërkombëtarë, të cilët kanë mbështetur krijimin dhe modernizimin e ushtrisë së Kosovës.