Osmani vazhdon ditën e dytë të vizitës zyrtare në Zvicër

Presidentja e Kosovës, Vjosa Osmani, në ditën e dytë të vizitës së saj në Zvicër, pritet të vazhdojë angazhimin e saj me disa takime dhe do të marrë pjesë në disa aktivitete

Presidentja e Kosovës, Vjosa Osmani, do të vazhdojë edhe sot vizitën zyrtare në Zvicër, pasi ardhja e saj këtu është me plan-program vizitë dyditore me ftesë të presidentes Keller-Sutter, shkruan albinfo.ch.

Pas një dite të ngarkuar me takime dhe ngjarje zyrtare në Zvicër, presidentja Osmani është gati të vazhdojë programin e saj të vizitës.

Në vazhdim të vizitës së saj, presidentja Osmani, bashkë me presidenten Keller-Sutter do ta vizitojnë një ndërmarrje prodhuese në pjesën lindore të Zvicrës, si dhe një qendër të Universiteti Saint Gallen ku do ta vizitojnë qendrën inovative SQUARE, shkruan tutje albinfo.ch.

Ndërkohë, në Gjenevë, Osmani do ta ketë një takim me mërgatën shqiptare, e cila jeton dhe vepron në Zvicër./Albinfo.ch

---