OVL e UÇK-së kërkon lirimin e ish-komandantit të UÇK-së

Organizata e Veteranëve të Luftës së UÇK-së ka bërë thirrje edhe një herë që të lirohet ish-komandanti i UÇK-së, Sylejman Selimi.

OVL e UÇK-së konsideron se për rastin Drenica 1 dhe Drenica 2 nuk ka asnjë bazë juridike që Sylejman Selimi dhe Jahir Demaku të mbahen në burg.

“Për shumë vjet pas luftës ishim dëshmitarë të dështimit total të drejtësisë ndërkombëtare, e cila përmes mekanizmave të ashtuquajtur të drejtësisë, vazhdimisht organizoi komplote kundër luftëtarëve të Ushtrisë Çlirimtare të Kosovës”, thuhet në reagim.