Pagat mesatare në Telekomin e Kosovës mbi 1000 euro

Lluka herën e fundit kishte raportuar se paga mesatare në Telekom është rreth 980 euro, mirëpo në raportin e fundit thuhet se kjo është rreth 1.100-1.150 euro

Pagat në Telekomin e Kosovës janë tejet të larta. Kështu ka bërë të ditur ministri i Zhvillimit Ekonomik të Kosovës, Valdrin Lluka, i cili ishte i ftuar në emisionin debatues Click në RTV 21.

Pasi deklaroi se numri i punëtorëve po e rëndonte gjendjen e Telekomit, ai vazhdoi duke theksuar se edhe më shumë e rëndon paga mesatare, përcjell albinfo.ch.

Lluka herën e fundit kishte raportuar se paga mesatare në Telekom është rreth 980 euro, mirëpo në raportin e fundit thuhet se kjo është rreth 1.100-1.150 euro.

Kjo pagë mesatare i kushton Telekomit 26 milionë euro në vit, e për këtë ministri deklaron se duhet bërë rikonstruktime, pasi pa to Telekomi është i pashpëtueshëm.

Telekomi i Kosovës është në krizë dhe rrezikon të falimentojë.