Pandemia ka dëmtuar imazhin e “Zvicrës së përsosur”

"Gazetat e huaja ishin veçanërisht kritike gjatë valës së dytë të pandemisë në Zvicër", thotë Nicolas Bideau, drejtor i "Prasenz Schweiz"

Imazhi i një Zvicre “të përsosur dhe të mirëorganizuar” është “dëmtuar” nga pandemia Covid 19, thotë Nicolas Bideau, drejtor i “Prasenz Schweiz”, shkruan srf.ch.

Gazetat e huaja ishin veçanërisht kritike gjatë valës së dytë të pandemisë në Zvicër. “Ne patëm shkëlqimin tonë” pas reagimit të autoriteteve ndaj valës së parë të koronavirusit”. Por prej atëherë notat e “nxënësit model” thjesht shkuan duke u rrëzuar, me rritjen e numrave pandemikë”, ka thënë më tutje Bideau në një intervistë të botuar nga “Le Nouvelliste”.

Sipas mendimit të tij, periudha aktuale është kritike për imazhin e vendit, transmeton albinfo.ch. “Ajo që ka rëndësi sot është a do ta kalojmë me sukses atë apo jo. Imazhi i Zvicrës është në rrezik”.

Por qeveria federale është “e përagutur mirë” për të përballuar sfidën, shton ai.

Diplomati tregon më tutje se Zvicra është kryesisht e varur nga eksportet e saj. Këto përbëjnë imazhin e Zvicrës. “Ajo që ne i kemi propozuar Këshillit Federal është të intensifikojmë aktivitetet tona në Evropë, veçanërisht në zonat tona strategjike të eksportit: Gjermania Jugore, Franca fqinje dhe Italia Veriore”, thotë ai.

Qëllimi tjetër është krijimi i ndërmarrjeve zvicerane në metropole në mënyrë që të prezantojnë produktet dhe njohuritë teknike zvicerane, përcjell albinfo.ch. Komunikimi do të përqendrohet në inovacionin dhe qëndrueshmërinë.

---