Partitë e vogla, fituese të mëdha

Në rast se zgjedhjet do të ishin mbajtur tash, fitoren më të madhe do ta arrinin të gjelbrit liberalë, me mbi 5 për qind (nga 1.7% që kanë pasur).

Sondazhi më i ri mbi preferencat partiake të votuesve zviceranë që është bërë nga instituti për hulumtimin e opinionit gfs.bern ka identifikuar trendin e rënies së partive të mëdha dhe ngritjes së të voglave.

Sondazhi është porositur nga SRG (Kompania e transmetuesve publikë radiotelevizivë).

Në rast se zgjedhjet do të ishin mbajtur muajin e fundit, fitoren më të madhe do ta arrinin të gjelbrit liberalë, me mbi 5 për qind (nga 1.7% që kanë pasur).

Ndërkaq humbës rënie të numrit të votuesve do të pësonte Partia Liberale (FDP), për të cilën janë përcaktuar vetëm 15% të të anketuarve me të drejtë vote.

SVP/UDC edhe në zgjedhjet që mund të mbaheshin gjatë muajit që shkoi, do të ruante primatin e partisë së parë në vend por me një rënie të konsiderueshme; nga rreth 29% në 27.5%. Një rënie të vogël të votuesve do ta humbiste edhe CVP (Partia Popullore Kristiane).

Partia Socialdemokrate dhe Partia e Gjelbër kanë ruajtur përqindjen sikundër e kane pasur në sondazhet e kaluara dhe në zgjedhjet e fundit.