Pas pesë ditësh, gjendet trupi i njërit polic në lumin Lepenc (VIDEO)

Është gjetur trupi i njërit prej policëve të zhdukur në lumin Lepenc. Lajmin e ka konfirmuar për mediat kosovare zëdhënësi i policisë për rajonin e Ferizajit, Agim Gashi. Ai e konfirmoi se rreth orës 15:45 në kilometrin e pestë nga vendi ku ka ndodhur aksidenti i së shtunës mbrëma është gjetur kufoma e njërit polic, por pa bërë të ditur identitetin e tij.

Ndërkohë që operacionin për kërkimin e policit tjetër nga Forca e Sigurisë së Kosovës po vazhdon. Policët, Malësor Dashi dhe Armend Trena u përfshinë në një aksident rrugor të shtunën mbrëma në magjistralen Kaçanik – Han i Elezit.