PDK dhe Aleanca refuzojnë takimin me Albulena Haxhiun

Kryetari i Aleancës, Ardian Gjini, ka qenë i pari ai që e ka refuzuar ftesën për takim nga ushtruesja e detyrës së presidentes se Kosovës, Albulena Haxhiu, duke e akuzuar atë dhe kryeministrin në detyrë, Albin Kurti, se nuk po kërkojnë zgjidhje për krizën institucionale.

Gjini ka deklaruar se ajo nuk është presidente e zgjedhur e Kosovës dhe, sipas tij, nuk ka mandat për të luajtur rolin e unifikueses së spektrit politik teksa ka përmendur edhe çështjen e zgjedhjeve.

“Ju doni ta zvarrisni këtë bllokadë deri te data që ju konvenon që të mbahen zgjedhjet. Po t’i donit vërtet votat dhe kuorumin, i keni gjashtë pikat e Aleancës”, ka thënë ai, transmeton albinfo.ch.

Edhe Partia Demokratike e Kosovës e ka refuzuar takimin e së martës përmes të cilit u tha se synohet kontribuimi në dialogun politik dhe institucional për tejkalimin e situatës aktuale dhe funksionalizimin e institucioneve.