PDK me konferencë nga Kuvendi: Çështja e presidentit është e mbyllur për ne

Shefi i Grupit Parlamentar të PDK-së, Arian Tahiri, ka deklaruar në një konferencë për media se partia e tij ka vepruar në mënyrë konstruktive në Kuvendin e Kosovës.

Ai tha se PDK ka marrë pjesë në procesin e konstituimit të Kuvendit, ka mbështetur marrëveshje ndërkombëtare dhe ka votuar zgjatje buxhetore, duke treguar, sipas tij, qasje bashkëpunuese në çështje me interes shtetëror.

Duke folur për zgjedhjen e presidentit, Tahiri theksoi se kjo temë për PDK-në konsiderohet e përfunduar, duke kujtuar se partia ka mbështetur një kandidat konsensual.

“Që nga fillimi kemi pasur qasje konstruktive dhe pozitive, kemi respektuar të gjitha subjektet politike në Kuvend, kemi pranuar rezultatin e zgjedhjeve dhe kemi qëndruar në opozitë, por në çështje me interes për vendin kemi treguar bashkëpunim”, u shpreh Tahiri.