Për herë të parë më pak se 200 të vdekur në aksidente në rrugët e Zvicrës

187 persona kanë vdekur në aksidentet që kanë ndodhur në rrugët zvicerane ndërsa 3.639 njerëz kanë pësuar lëndime të rënda

Në Zvicër gjatë vitit të kaluar ka pasur për herë të parë më pak se 200 të vdekur në fatkeqësi trafiku, shkruan sda.ch. 187 persona kanë vdekur në aksidentet që kanë ndodhur në rrugët zvicerane ndërsa 3.639 njerëz kanë pësuar lëndime të rënda, njofton Zyra Federale e Rrugëve (Astra).

Në vitin 2019 ka pasur edhe motoçiklistë që kanë pësuar lëndime më seioze se një vit më parë, transmeton albinfo.ch. 11 persona kanë humbur jetën në krahasim me 12 sa ishin në vitin 2018. 355 kanë pësuar lëndime të rënda. Një vit më parë kanë qenë 309.

Në rastin e e-biçikletave të shpejta (elektrike), të cilat mund të lëvizin me shpejtësi deri në 45 km në orë, numri i të lënduarve ka rënë nga 85 në 77. Situata ndryshon me e-bike të ngadalshme, (deri në 25 km/h), përcjell albinfo.ch. Këtu numri i viktimave është ngritur nga 236 në 2018 në 289 në vitin e fundit.

 

---