Për herë të parë në histori, tri shqiptare “luftojnë” për një çmim

Në vikendin e kësaj jave (13 nëntor) do të mbahet ndarja e çimeve MTV Europe Music Awards 2022, shkruan albinfo.ch.

Prezantuesit e natës së madhe do të jenë Rita Ora dhe bashkëshorti i saj, Taika Waititi. Mirëpo, duket se këtë natë do ta ‘pushtojnë’ artistet me origjinë shqiptare, pasi Bebe Rexha, Dua Lipa dhe Ava Max janë nominmuar për të njëjtin çmim.

Yjet, të cilat do të performojnë hitet e tyre janë nominuar për çmimin “Bashkëpunimi më i mirë”.

Bebe Rexha dhe David Guetta – “I’m blue”

Dua Lipa dhe Megan The Stallion- “Sweetest Pie”

Ava Max dhe Dj Tiësto- “The Motto”

Kjo është hera e parë në historinë e “MTV” që tri artiste me origjinë shqiptare garojnë për të njëjtin çmim. Të nominuar për këtë çmim janë dhe shumë të tjerë.