Përfundon Samiti, liderët bëjnë foto familjare me Presidentin Zelensky

Në mbyllje të takimit, liderët realizuan edhe foton familjare bashkë me presidentin e Ukrainës, Volodymyr Zelensky. Pas fotografimit, ata u futën sërish brenda ambienteve të Pallatit të Kongreseve, ndërsa pritet që në vijim Rama dhe Zelensky të mbajnë një konferencë të përbashkët për mediat, përcjell albinfo.ch.

Vlen të theksohet se gjatë samitit, presidenti ukrainas duke falënderuar të gjitha kombet për punën e mirë që është bërë në ndihmë të vendit të tij, ka propozuar të organizohet një forum i përbashkët për fushën e mbrojtjes mes Ukrainës dhe Ballkanit. Sipas Zelenskyt, gjithçka që i bën ata së bashku partner të mirë, e bën Putinin më të dobët.