Pesë të vdekur në dy ortekë në Austri

Shtatë skiatorë u mbuluan nga orteku. Katër prej tyre u nxorën të vdekur. Pak më parë, një grua u kap nga një ortek dhe vdiq nën dëborë

Pasditen e kaluar, një ortek goditi malin Finsterkopf, 2,150 metra të lartë, në luginën Grossarltal në landin e Salzburgut. Shtatë skiatorë u mbuluan nga orteku. Sipas njësisë së shpëtimit malor, katër anëtarë të grupit u nxorën të vdekur, transmeton albinfo.at. Të tjerët pësuan lëndime, disa prej të cilave serioze.

Pak më parë, një grua që po bënte ski me burrin e saj u kap nga një ortek pranë Bad Hofgastein. Ajo gjithashtu vdiq nën dëborë, shkruan sda.ch.

Në të dyja rastet, origjina dhe mosha e të ndjerëve dhe të plagosurve janë ende të paqarta.

Një kontingjent i madh shpëtimtarësh u dërgua në dy aksidentet. Sipas raportimeve, 90 shpëtimtarë malorë, personel tjetër emergjent dhe disa helikopterë ndihmuan në nxjerrjen e të vdekurve dhe transportimin ajror të të plagosurve në spitale.

---