Kosova

Platformat gjermane të udhëtimeve korrigjojnë emrin e Prishtinës

E hënë, 16 Shkurt 2026 - 16:20 albinfo.ch

Ambasadori i Kosovës në Berlin, Faruk Ajeti, ka njoftuar se falë reagimit të qytetarëve tanë dhe angazhimit tonë diplomatik, dy nga platformat më të mëdha gjermane të udhëtimeve, HolidayCheck dhe CHECK24, kanë korrigjuar përkatësinë e destinacionit Prishtinë, duke e ndryshuar nga “Priština” në “Prishtina” ose “Pristina”.

“Ky është një shembull tjetër i qartë se reagimi qytetar dhe diplomacia aktive japin rezultate konkrete. Nëse hasni ndonjë institucion apo kompani gjermane ku Republika e Kosovës apo qytetet tona nuk paraqitet në mënyrë korrekte, ju lutemi të na shkruani në embassy.germany@rks-gov.net, duke bashkëngjitur dëshmitë përkatëse, në mënyrë që këto pasaktësi të adresohen dhe korrigjohen. Vazhdojmë së bashku drejt sukseseve të radhës!”, ka shkruar Ajeti, transmeton albinfo.ch.