Plazhi i Gjipesë, një mrekulli e bregdetit shqiptar

Pamje nga Plazhi i Gjipesë

Plazhi i Gjipesë është me të vërtetë një ndër plazhet më të bukura të vendit është plazhi i Gjipesë, transmeton albinfo.ch.

Plazhi i Gjipesë ndodhet mes fshatit Dhërmi dhe Vuno në jug të Shqipërisë. Emri “Gjipe” thuhet se vjen nga bashkimi i dy fjalëve “Gjiri i Perëndisë”

Vizitorët mund të shkojnë atje me anije ose makinë, megjithatë, udhëtarëve të makinave do të duhet të ecin pak deri në plazh.

Plazhi gjendet në mes shkëmbinjve të lartë, gjë që ju jep ndjenjën e të qenit në një ishull të shkretë dhe jo në një plazh të rregullt.

Uji në plazhin e Gjipesë është kristal i qartë dhe ka ngjyrë të mahnitshme. Aventurierët gjithashtu mund të gjejnë disa plazhe të vogla përgjatë bregdetit si dhe shpella.

Ky plazh përrallor të ofron mundësi gjatë ditës për t’u larë në ujin e kristaltë, për të ecur në kanionin e saj, ku herë pas here formacione të ndryshme shkëmbore krijojnë pamje mahnitëse, por është edhe vendi ideal që gjatë natës të shohësh dallgët e detit nën yjet vezullues.