Po vazhdon operacioni i kërkimit për policin Armend Trena

Janë bërë sot një javë pas aksidentit të dy policëve në rrugën Kaçanik Hani i Elezit, makina e të cilëve ka rënë në lumin Lepenc, ndërsa ende nuk është gjetur njëri nga policët. Operacioni i kërkimit për policin Armend Trena do të vazhdojë edhe sot. Policia thotë se kërkimet do të fokusohen tek urat ku ka dyshime më të mëdha se aty mund të gjendet.

Zëdhënësi i policisë për rajonin e Ferizajt, Agim Gashi, ka deklaruar se kërkimet do të vazhdojnë njësoj. Një ditë më parë është varrosur polici Malsor Dashi, trupi i të cilit është gjetur të enjten në lumin Lepenc.