Policia me apel ndaj mërgimtarëve

Policia e Kosovës, respektivisht ajo e Gjilanit ka bëre apel për sigurinë e gjësendeve të shtrenjta të mërgimtarëve.

Policia e Gjilanit përmes një njoftimi ka thënë se muajt korrik dhe gusht, janë muaj ku kryesisht shumë bashkë atëdhetarë kthehen në vendlindjet e tyre për ti kaluar pushimet bashkë me familjet e tyre.  

Policia ka apeluar duke u bazuar nëpërvojat e viteve të kaluara, që mërgimatarët të mos parkojnë veturat me gjësende të shtrenjta brenda .

“Kemi pas disa raste të raportuara si “Vjedhje” dhe “Vjedhje të rënda” nga automjetet e parkuara, Policia e Kosovës Apelon te të gjithë qytetarët që me rastet e daljes nëpër qendrat tregtare apo ku do qoftë nëpër sheshe të qyteteve le të sigurohen se gjatë parkimit të veturave të tyre ato të jenë të kyçura dhe nuk lënë në veturat e tyre gjësende me vlerë: si qantëdore, telefona celularë apo edhe portofola, pasi që fatkeqësisht në këto raste persona keqbërës në momentet që vërejnë këto gjësende, në ulëse të veturave, shkaktojnë dëme të konsiderueshme materiale, duke thyer xhamin e veturës, dhe vjedhur sende me vlerë shpesh herë edhe dokumente udhëtimi, të cilat më pastaj paraqesin vështirësi të konsiderueshme për qytetar”, ka thënë policia.