Politikani i SVP-së krahason masat e pandemisë në Zvicër me Holokaustin

David Beeler ka bërë një krahasim të realitetit të sotëm zviceran me Rajhun e Tretë dhe ka krahasuar certifikatën Covid me Yllin e Davidit

Një fjalim i një deputeti kantonal të SVP në demonstratën e mbajtur të shtunën në Rapperswil ka bërë mjaft bujë.

Politikani David Beeler në fjalën e tij ka pohuar, ndër të tjera, se “mijëra njerëz kanë vdekur” në Zvicër si rezultat i vaksinimit, shkruan 20minuten.ch.

Prandaj, Beeler kërkon që përgjegjësit për pandeminë të vihen para  një “gjykate ushtarake”.

Ai madje ka thënë se Zvicra është nën një diktaturë dhe ka tërhequr paralele me Holokaustin.

Në këtë vazhdë, ai ka bërë një krahasim të realitetit të sotëm zviceran me Rajhun e Tretë dhe ka krahasuar certifikatën Covid me Yllin e Davidit, transmeton albinfo.ch.

Politikani i SVP ka vazhduar duke pretenduar se Zvicra po përjeton “një gjenocid të mendimeve, fjalëve, integritetit fizik, një gjenocid të bizneseve të vogla, të restoranteve tona, të të gjithë njerëzve që duan të punojnë”.

Në fjalën e tij ai ka thënë veç tjerash edhe këtë: “Ne duam të ngrihemi për lirinë dhe jemi gati të japim jetë nëse është e nevojshme”, i pritur me duartrokitje dhe brohoritje nga pjesëmarrësit e tubimit.

Sidoqoftë, për kryetarin SVP-së në Schwyz, përjashtimi i Beeler nuk është fare në rend dite, transmeton albinfo.ch. Ai, sipas tij në tubimin në fjalë është prezantuar si person privat.

 

---