Presidentja e Kosovës, Vjosa Osmani takohet me Donald Trump në New York

Takim i gjatë mes presidentes Osmani dhe presidentit Trump

Presidentja e Kosovës, Vjosa Osmani, ka ndarë momente nga takimi i saj me ish-presidentin e Shteteve të Bashkuara, Donald Trump, shkruan albinfo.ch.

Presidentja Osmani shprehet se takimi me Presidentin Trump u shndërrua në bisedë të gjatë e përmbajtësore

Ajo theksoi se megjithëse takimi ishte planifikuar si protokollar, ai u shndërrua në një bisedë të gjatë dhe të thellë mbi rolin e SHBA-së në Kosovë dhe rajon.

“Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe,” u shpreh Osmani.

Presidentja shtoi se miqësia dhe aleanca me Shtetet e Bashkuara mbetet themeli i pathyeshëm i shtetit të Kosovës.

“Ne do të jemi gjithmonë në anën e demokracisë, lirisë dhe partneritetit me SHBA-të, sepse aty rreh zemra e lirisë sonë,” tha ajo./Albinfo.ch

---