Kërkohet arrest shtëpiak për gratë e kthyera nga Siria

Foto ilustrim

Prokuroria ka kërkuar arrest shtëpiak për 11 gratë e kthyera nga Siria, të cilat dyshohen për organizim dhe pjesëmarrje në një grup terrorist në Siri.

Të martën është mbajtur seanca dëgjimore, me ç’rast, sipas avokateve mbrojtëse, ato janë penduar për veprimet e tyre. Të tjera të dyshuara pritet të paraqiten në gjykatë, të mërkurën, përcjell albinfo.ch.

Të premten janë kthyer 110 kosovarë nga Siria, në mesin e tyre 74 fëmijë. Tashmë katër burrave u është caktuar masa e paraburgimit, si të dyshuar për pjesëmarrje në grup terrorist dhe në ushtri apo polici të huaj.

Institucionet e Kosovës kanë bërë të ditur se në zonën e konfliktit në Siri vazhdojnë të jenë 30 luftëtarë kosovarë, 49 gra dhe 8 fëmijë.