Promovohen në Austri ushqime e pije nga Kosova

Ambasada e Kosovës në Austri njofton se në aktivitetin vjetor të quajtur “Gartenparty”, organizuar nga Forumi Ekonomik i Vjenës, pjesë e të cilit është edhe Republika e Kosovës, ka bërë promovimin e ushqimeve dhe pijeve kosovare, transmeton albinfo.ch.
“Gartenparty” është një nga aktivitetet e rregullta të VEF, dhe ka për synim promovimin e identiteteve kombëtare nëpërmjet gatimeve, muzikës apo veshjeve tradicionale. Këtë vit në këtë manifestim morën pjesë qindra mysafirë, kryesisht afaristë, por edhe personalitete nga jeta politike dhe shoqërore e Austrisë.
Ambasada e Kosovës falënderon në mënyrë të veçantë Shoqatën Kulturore në Vjenë “12 Qershori” për performancën artistike, kompanitë vendore të verërave më cilësore nga Kosovës, siç janë “Suhareka Wine” e “Bodrumi i Vjetër”.