Pullë postare për Epopenë e UÇK-së

Posta e Kosoves

Posta e Kosovës, për nder të 25-vjetorit të Epopesë së Ushtrisë Çlirimtare të Kosovës, ka lansuar edhe pullën postare. Pulla që kushton 2 eruo e 10 centë ka figurën e Shaban, Hamëz e Adem Jasharit, të përcjellë pa dyshim me shqiponjën dykrenare. “Ky motiv njëkohësisht paraqet edhe shenjën mbrojtëse të të gjitha aktiviteteve të parapara në kuadër të manifestimit të organizuar nga Qeveria e Republikës së Kosovës”, sqarohet nga Posta e Kosovës, përcjell albinfo.ch.

Datat 5, 6 dhe 7 mars shënojnë Epopenë e UÇK-së e nderohet edhe Familja Jashari që për tre ditë me radhë u bëri rezistencë forcave serbe që i rrethuan ata në 1998-ën.