Punëtorët nga zonat kufitare nuk rrisin papunësinë

Sipas një studimi të SECO-s, numri i punëtorëve nga zonat kufitare në Ticino nuk ka ndikuar në rritjen e numrit të papunësisë  në këtë pjesë të Zvicrës.

Sipas studimit nga Sekretariati i Shtetit për Çështje Ekonomike (SECO), me 328 kompani në Ticino gjithashtu thuhet se konkurrenca është e madhe nga punëtorët e huaj në tregun e punës. “Për këtë arsye është mjaft e mundshme që problemi i vërtetë nuk qëndron me papunësinë, por me tregun e punës”, thuhet në raport.

Nga ana tjetër, ka qenë papunësia e lartë e të rinjve në Ticino, një shenjë që të rinjtë pa përvojë pune ishte vështirë të integrohen në tregun e punës në Ticino.

Shkalla e papunësisë  pas vitit 2010 ka tendencë të jetë përkeqësuar në Ticino në krahasim me gjithë Zvicrën. Shkalla e punësimit të moshave 15- 64-vjeç në Ticino ishte në periudhën prej vitit 2009 deri në vitin 2015 në një mesatare prej 71.2 për qind, ndërsa ajo ishte në gjithë Zvicrën në 79.4 për qind.

Përveç kësaj, papunësia e të rinjve ishte rritur pak mbi mesataren në krahasim me grupmoshat e tjera. Papunësia afatgjate në Ticino është rritur pak më shumë kundrejt mesatares zvicerane.

Me 62.500 punëtorë nga zonat kufitare në tremujorin e dytë të vitit 2014, numri i tyre është dyfishuar që nga viti 2002. Rreth një në katër prej atyre që punojnë në Ticino jetojnë në zonat kufitare me Zvicrën.

Megjithatë, rritja më e lartë e punëtorëve nga zonat kufitare është regjistruar në zyra të ndryshme. Ndërkohë, 57 për qind e tyre punojnë në sektorin e shërbimeve.