Punonjësit në Zvicër preferojnë të punojnë nga distanca

@pixabay

Një shumicë dërrmuese e punonjësve – 80 për qind – vlerësojnë fleksibilitetin e ofruar nga zyra e shtëpisë dhe thonë se janë më efikasë në shtëpi, sipas një sondazhi të ri nga kompania e sigurimeve dhe pensioneve Generali.

“Pandemia e Covid-it ka ndryshuar qëndrimet në botën e punës. Shefat dhe punonjësit e kuptuan se punët e tyre shpesh mund të kryheshin diku tjetër dhe jo në ambientet e kompanisë”, tha Generali në një deklaratë për shtyp.

Më shumë se 80 për qind e të anketuarve thonë se mund të punojnë në shtëpi pa u shqetësuar, shkruajnë mediat zvicerane, përcjell albinfo.ch.

“Përveç kësaj, puna në distancë ka një efekt pozitiv në balancën punë-jetë. Kjo nga ana tjetër ka një ndikim pozitiv në shëndetin mendor”, tha Jean-Pierre Schmid, Shefi i Shërbimeve të Klientit dhe Burimeve Njerëzore të Generali.

Sondazhi zbuloi gjithashtu se 68 për qind e të anketuarve thanë se punojnë më produktivisht nga shtëpia dhe 66 për qind punojnë me efikasitet.