Qeveria federale nuk planifikon pako ndihmash për familjet zvicerane

U takon kantoneve individuale të ofrojnë ndihmë financiare për banorët e tyre

Javën e kaluar Këshilli Federal ka refuzuar një sërë propozimesh për të ofruar ndihmë financiare për njerëzit që po luftojnë me kostot në rritje, zbulon një dokument i përgatitur nga Ministria e Ekonomisë dhe i marrë nga mediat zvicerane, përcjell albinfo.ch.

Të gjitha propozimet, kryesisht për familjet me të ardhura të ulëta, janë refuzuar, raportojnë mediat.

Midis tyre ishin forma të ndryshme të ‘ndihmave’ të energjisë për të kompensuar koston e energjisë elektrike, si dhe para për të ndihmuar në uljen e primeve të sigurimit shëndetësor.

Një mundësi tjetër që është shqyrtuar – ajo e ofrimit të uljes së taksave për familje të caktuara – gjithashtu është hedhur poshtë, pasi baza ligjore e nevojshme për zbatimin e kësaj mase nuk mund të krijohet para vitit 2024.

Tani u takon kantoneve individuale të ofrojnë ndihmë financiare për banorët e tyre… https://www.blick.ch/fr/news/suisse/alors-que-les-prix-explosent-le-conseil-federal-a-refuse-ces-13-mesures-de-soutien-aux-prives-et-entreprises-id18046668.html

 

 

---