Qeveria holandeze shpallet fajtore për vrasjen e 300 myslimanëve në Srebrenicë

Vendimi që gjykata holandeze e mori sot e mban kryesisht në fuqi vendimin e një gjykate civile nga vitit 2014, i cili thekson se shteti holandez ishte përgjegjës në vdekjen e burrave myslimanë të Bosnjës

AppleMark

Qeveria e Holandës  ishte pjesërisht përgjegjëse për vdekjen e rreth 300 burrave myslimanë, të cilët u vranë nga forcat serbo-boshnjake në masakrën e Srebrenicës në vitin 1995. Kështu ka vendosur  një gjykatë e apelit në Holandë, sipas të cilës, trupa holandez nën petkun e OKB-së nuk arritën t’i shpëtojnë myslimanët boshnjak nga ekzekutimi.

Vendimi që gjykata holandeze e mori sot e mban kryesisht në fuqi vendimin e një gjykate civile nga vitit 2014, i cili thekson se shteti holandez ishte përgjegjës në vdekjen e burrave myslimanë të Bosnjës, të cilët ishin dorëzuar nga paqeruajtësit holandez të OKB-së te forcat serbo-boshnjake në korrik të vitit 1995 dhe si pasojë ishin vrarë, transmeton Express.

Gjykatësi kryesues i Gjykatës së Apelit të Hagës, Gepke Dulek, ka thënë se burrat myslimanë të Bosnjës të vrarë nga forcat serbo-boshnjake, ishin privuar nga mundësia për të mbijetuar sepse ushtarët holandezë i kishin dërguar ata jashtë kompleksit holandez bashkë me refugjatët e tjerë që po kërkonin strehim atje.

Ata ishin në mesin e rreth 8 mijë burrave dhe djemve myslimanë të vrarë nga forcat serbo-boshnjake në masakrën më të rëndë të Evropës që nga lufta e Dytë Botërore. Për këtë masakër, e cila nga shumë shtete dhe organizata u cilësua si gjenocid, në Tribunalin penal të Hagës po gjykohen Ratko Mladiq, gjenerali që dha urdhër për vrasje dhe Radovan Karagjiq, njeriu që inskenoi dhunën dhe vrasjet.