Qeveria kompenson dëmin nga virusi Ehec

Në rast se humbjet tejkalojnë nivelin e riskut normal që merr mbi vete çdo ndërmarrës, qeveria mund të bëjë edhe kompensimin financiar

Qeveria e Zvicrës është e gatshme, që, po qe nevoja, të bëjë kompensimin e dëmit për bujqit e dëmtuar nga paraqitja e virusit të rrezikshëm të zorrëve Ehec, që　përhapet përmes konsumimit të perimeve.

Duke iu përgjigjur kërkesave të degës (perimtarisë), qeveria do të hulumtojë tregun zviceran të trangujve për të konstatuar ndikimin dëmtues të virusit Ehec.

Në rast se humbjet e prodhuesve në fjalë tejkalojnë nivelin e riskut normal që merr mbi vete çdo ndërmarrës, do të mund të bëhej edhe kompensimi në mjete financiare. Këtë premtim e ka dhënë Qeveria Federale në seancën e pyetjeve të zhvilluar të martën në Parlamentin Nacional.

Qeveria më tutje ka siguruar opinionin se është duke ndjekur me kujdes zhvillimet lidhur me Ehec.