Qeveria vazhdon afatin për kompensim të punës me kohë të shkurtër

Vendimi më i fundit zgjat procedurën e shlyerjes për kompensimin e punës me kohë të shkurtër deri më 31 mars 2022

Në një konferencë për media të mbajtur sot pasdite, këshilltari federal Guy Parmelin ka informuar për vazhdimin e rinovimit të regjimit të punës me kohë të shkurtër.

Për shkak të valës aktuale Omikron dhe kufizimeve të lidhura me ekonominë, Këshilli Federal ka vendosur të zgjasë sërish garancitë e pagave për punën me kohë të shkurtër.

Zbutje shtesë do të zbatohen për kompanitë që i nënshtrohen rregullit 2G plus.

Këshilli Federal ka ndryshuar të mërkurën po ashtu edhe rregulloren e sigurimit të papunësisë lidhur me Covid 19 në përputhje me rrethanat aktuale të pandemisë, transmeton albinfo.ch.

Krahas shtyrjes së përsëritur të regjimit të punës me kohë të shkurtër, Këshilli Federal ka bërë të qartë se nga 1 korriku 2022, do të hyjë sërish në fuqi periudha maksimale normale e mandatit prej dymbëdhjetë muajsh për periudhën kornizë, për të gjitha kompanitë, shkruan sda.ch.

Vendimi më i fundit zgjat procedurën e shlyerjes për kompensimin e punës me kohë të shkurtër deri më 31 mars 2022 dhe rrit periudhën maksimale të kompensimit të punës me kohë të shkurtër në 24 muaj, përcjell albinfo.ch. Gjithashtu, periudha e mospagimit dhe kufizimi në katër periudha kontabël për punën e humbur prej më shumë se 85 për qind do të hiqet për të gjitha kompanitë.

---