Rama: Po përfundon epoka e zymtë e basteve

Kryeministri Edi Rama e ka nisur konferencën e fundvitit me dy lajme të mira për ekonominë e Shqipërisë.

Ai tha se rritja ekonomike në tremujorin e tretë ishte 4.5 për qind, që është më e larta që nga vitit 2011.

Ai po ashtu tha se është rritur konsumi final i popullatës, i cili prej vitit 2013 ka një rritje mesatare 3.5 për qind.

“Shqiptarët jetojnë sot më mirë se sa dje, por pa dyshim nuk jetojnë sot më mirë se sa duhet. Është një rritje ekonomike cilësore, pasi ka ardhur nga një rritje e balancuar e zhvillimit dhe konsumit”, ka thënë Rama, i cili foli edhe për lojërat e fatit, duke theksuar se nga 1 janari përfundon epoka e zymtë e “llumit” të basteve.