Rama pret Kurtin në Samitin “Our Pathway to EU”: Dy kryeministrat shtrëngojnë duart në Pallatin e Brigadave

Pritje zyrtare në Tiranë ndërsa liderët e rajonit diskutojnë rrugën drejt integrimit evropian.

Në Pallatin e Brigadave në Tiranë ka nisur pritja zyrtare e liderëve të Ballkanit Perëndimor, në kuadër të samitit të Planit të Rritjes, “Our Pathway to EU”, përcjell albinfo.ch.

Kryeministri i Shqipërisë, Edi Rama, është nikoqir i këtij takimi të rëndësishëm rajonal, ku pritet të diskutohen hapat drejt integrimit më të thellë evropian dhe projektet e përbashkëta ekonomike.

Ndër të parët që mbërriti ishte kryeministri në detyrë i Kosovës, Albin Kurti. Pas një përshëndetjeje protokollare dhe shtrëngimi duarsh me Ramën, Kurti hyri në ambientet e Pallatit të Brigadave ku do të zhvillohet samiti.

Takimi pritet të mbledhë krerët e rajonit dhe përfaqësues të BE-së, duke shënuar një tjetër moment kyç në proceset integruese të Ballkanit Perëndimor.

---