Raporti i UEFA-s: Sjellja e tifozëve shqiptarë, më problematikja në Evropë

HAMBURG, GERMANY - JUNE 19: A general view as Qazim Laci of Albania celebrates scoring his team's first goal with teammates during the UEFA EURO 2024 group stage match between Croatia and Albania at Volksparkstadion on June 19, 2024 in Hamburg, Germany. (Photo by Stuart Franklin - UEFA/UEFA via Getty Images) https://fshf.org/sq/euro-2024-shqiperia-barazon-2-2-me-kroacine-ne-stadiumin-volksparkstadion-te-hamburgut/

Shqipëria është renditur në fund të listës së UEFA-s për sezonin 2024/2025, sa i përket sjelljes së tifozëve në stadiume. Raporti, që konsiderohet mjaft shqetësues, vlerëson se pavarësisht pjesëmarrjes jo të lartë të tifozëve shqiptarë në kompeticionet europiane, sjellja e tyre mbetet më problematikja ndër 53 shtetet e analizuara.

Sipas të dhënave të UEFA-s, tifozët shqiptarë kanë marrë notën mesatare 6.77, që është e vetmja nën nivelin 7. Analiza bazohet në 66 ndeshje të vlerësuara, ku delegatët e UEFA-s kanë dhënë raportet e tyre për atmosferën dhe sjelljen e publikut.

Në pjesën e fundit të renditjes gjenden edhe Kroacia, Serbia dhe Bosnja e Hercegovina, por të gjitha këto vende kanë marrë vlerësime më të larta se Shqipëria.

Ndërkohë, Kosova pozicionohet në vendin e 41-të me një mesatare 7.75 për 73 ndeshje të zhvilluara, duke u renditur ndjeshëm më mirë.

Në krye të listës për sjellje pozitive të tifozëve qëndrojnë Ishujt Faroe, Moldavia dhe Kazakistani, të cilët janë vlerësuar për korrektësi dhe mbështetje sportive gjatë ndeshjeve.