Rashica, i gatshëm për derbin në Bundesliga

Werder Bremen do të përballet me Leipzig që kryeson kampionatin gjerman

Futbollisti i Kosovës, Milot Rashica është rikthyer 100 për qind nga lëndimi që e mbajti afër tri javë jashtë fushave të blerta.

Edhe klubi i Werder Bremen ka njoftuar se, Rashica është i gatshëm për ndeshjen e radhës në Bundesliga, përcjell albinfo.ch.

Për këtë rikthim në fushë ka shkruar edhe vetë futbollisti vushtrrias në rrjetet sociale.

“I lumtur që po kthehem në fushën e blertë, për ta bërë atë që më pëlqen ta bëj”, ka shkruar Rashica.

Werderi në fundjavë do të përballet me Leipzig që kryeson renditjen në Gjermania me 10 pikë, derisa Werderi gjashtë pikë, dy fitore dhe dy humbje në katër xhirot e para. Takimi zhvillohet të shtunën nga ora 18:30.

---