Refugjatët duhet të punësohen më shpejt dhe të flasin gjermanisht në Zvicër

EPA/VASSIL DONEV

Vetëm një e treta e rreth 80 mijë refugjatëve dhe atyre të pranuar përkohësisht kanë gjetur një punë. Kjo duhet të ndryshojë tani. Në fillim të vitit hynë në fuqi ligjet e reja të integrimit federal: më pak burokraci dhe më shumë para për aftësimin e tyre.

Vitin e ri, punëdhënësit duhet t’i raportojnë vetëm kantonit. “Procedura do të jetë më të lehta dhe pengesat do të hiqen”, thotë Lukas Rieder nga Sekretariati Shtetëror për Migracionin SEM, shkruan albinfo.ch.

Por shumë punëdhënës mbeten skeptikë nëse kjo do të çojë në një rritje të madhe në punësim.

Një masë tjetër e qeverisë federale nga ky vit është aftësimi gjuhësor ië refugjatëve që duhet të përmirësohet ndjeshëm. Përveç kësaj, nga pranvera, qeveria federale do të paguajë një tarifë më të lartë të integrimit. 18,000 franga do të ndahen për refugjatë, tri herë më shumë se më parë.

Pas 3 vjetësh, të gjithë refugjatët duhet të kenë njohuri themelore të një gjuhe të vendit.

Pas 7 vjetësh, 50 për qind duhet të kenë një vend pune.

Megjithatë, është e rëndësishme që standardet e gjuhës ë zbatohen në të gjitha kantonet, përgjigjet Sekretariati Shtetëror për Migracionin, i cili promovon integrimin në tregun e punës në të gjitha kantonet.