Remdesivir mund të ulë vdekshmërinë nga Covid-19 për 62 për qind?

Remdesivir është ilaçi i vetëm i cili në BE është aprovuar zyrtarisht për trajtimin specifik të Covid-19

Medikamenti Remdesivir, është bërë i njohur në lidhje me efektin që supozohet ta ketë kundër Covid-19.  Ai, sipas prodhuesit, mund të zvogëlojë ndjeshëm rrezikun e vdekjes në rastet kur i sëmuri nga Corona Covid-19 ndodhet në një gjendje të rëndë, shkruan srf.ch.

Një analizë e re ka treguar një ulje prej 62 për qind të rrezikut të llogaritur si relativ, të vdekshmërisë. Kështu ka pohuar kompania farmaceutike amerikane Gilead në Konferencën Botërore të AIDS, transmeton albinfo.ch. Remdesivir është ilaçi i vetëm i cili në BE është aprovuar zyrtarisht për trajtimin specifik të Covid-19.

Megjithatë, një ekspert i pavarur këshillon që të kihet kujdes kur interpretohen të dhënat. Hetimi tregon se ilaçi është efektiv, ka thënë për Agjensinë Gjermane të Shtypit (DPA) Uwe Janssens, president i Shoqatës Gjermane Ndërdisiplinore për Kujdesin Intensiv dhe Mjekësinë e Urgjencës (DIVI), përcjell albinfo.ch.

Ai thotë se në analizë janë krahasuar dy grupe, të cilat nuk duhet të krahasohen sipas standardeve në fuqi.

---