“Sports Ilustrated” thyen tabutë, vendos në ballinë një grua me burkë

Modelja dhe aktivistja somaleze, Halima Aden, do të jetë pjesë e ballinës së revistës së njohur “Sports Illustrated”. Revista ka befasuar të gjithë, kur në ballinë ka vendosur ta paraqesë një grua myslimane të mbuluar.

Kjo është hera e parë që kjo revistë vendosi një grua të mbuluar në ballinë të saj. Fotografitë janë shkrepur në Kenia, vendlindjen e modeles Aden.

“Shpresoj që kjo t’ia hapë dyert komunitetit somalez, që konsideron se është ndryshe prej të tjerëve”, tha modelja për mediat e huaja, transmeton albinfo.ch. Aden, shtetase amerikane, bëri bujë në vitin 2016, kur e mbuluar mori pjesë në garat e bukurisë Miss Minnesota.