Rindërtimi i Turqisë: SHBA premton gjithë ndihmën e nevojshme

Bëhet e ditur se sekretari amerikan i Shtetit, Antony Blinken, nisi vizitën e tij zyrtare në Turqi, ku u prit nga homologu vendas, Mevlut Cavusoglu, përcjell albinfo.ch.

Shefi i diplomacisë amerikane vizitoi disa nga zonat e prekura nga tërmeti i 6 shkurtit dhe premtoi se Uashingtoni do të japë të gjithë ndihmën e nevojshme për Ankaranë në procesin e saj të rindërtimit.

Të dy diplomatët diskutuan gjithashtu në bazën ajrore Incirlik dhe rreth nevojave që ka Turqia në këtë situatë emergjence.

Juglindja e Turqisë u godit nga dy tërmete të fuqishme me magnitudë 7 ballë, të cilët deri tani kanë shkaktuar 46 mijë viktima dhe qindra-mijëra të pastrehë.