Rregullat për të filluar Bundesliga gjermane

Bundesliga e Gjermanisë do të nisë në këtë fundjavë, megjithatë, lojtarët kanë rregulla strikte

Bundesliga gjermane është liga e parë nga më të fortat evropiane, që do të rifillojë aktivitetin.

Skuadrat gjermane kishin filluar më parë përgatitjet, kurse tani janë gati për aksion. Sidoqoftë, lojtarët duhet t’i ndjekin rregullat, përcjell albinfo.ch.

Ndalohen përqafimet si manifestim i festimit apo përshëndetjes më kundërshtarin dhe shokun, asnjë shtrëngim duarsh dhe do të shmanget sa më shumë pështyma.

Janë këto disa nga rregullat që futbollistët e Bundesligës dhe Bundesliga 2 duhet të respektojnë, duke u kthyer në fushë në Gjermani me dyer të mbyllura këtë fundjavë, pas pushimit të detyruar për shkak të koronavirusit.

Një rregullore me 35 faqe, ku përfshihen edhe normat e reja higjenike për lojtarët.

Ndërkohë, në rast se rezulton një futbollist pozitiv, atëherë do të duhet që e gjithë skuadra të shkojë në karantinë.

---