Rreth 400 pjesëtarë të rinj do t’i bashkohen Policisë së Kosovës, pas përfundimit të trajnimit në kuadër të gjeneratës së 63-të, përcjell albinfo.ch.
Ceremonia e diplomimit do të mbahet sot, duke filluar nga ora 16:00, ku pritet të shënohet përfundimi i përgatitjes së gjeneratës së re të policëve.
Me diplomimin e kësaj gjenerate, Policia e Kosovës do të zgjerojë radhët me rreth 400 pjesëtarë të rinj, të cilët pritet të angazhohen në shërbim të sigurisë publike dhe zbatimit të ligjit./Albinfo.ch
