Rriqrat në Zvicër, autoritetet bëjnë thirrje për kujdes

Autoritetet zvicerane kanë paralajmëruar të gjithë ata që ecin në natyrë rreth rrezikut nga rriqrat. Për shkak të dimrit të butë që mbizotëroi, rriqrat janë kthyer më herët në disa rajone të Zvicrës, raporton RTS.ch, përcjell albinfo.ch.

Raste të pickimeve janë raportuar në Graubünden dhe në Ticino, edhe pse faza e letargjisë është e shkurtër, kërkohet kujdes. Megjithatë, në disa rajone, si Gjeneva, situata është aktualisht e qetë sa i përket përhapjes së rriqrave.

Në Zvicër është e disponueshme vaksina që mbron nga pickimi i rriqrave. Derisa, RTS.ch raporton se janë identifikuar edhe viruse të reja që janë të transmetueshme të njerëzit. Në dhjetor, studiuesit nga Instituti i Virologjisë në Universitetin e Cyrihut zbuluan një lloj të ri të virusit të rriqrave. Patogjeni, i quajtur Alongshan, e kishte origjinën në Kinë, ku u zbulua gjashtë vjet më parë, përcjell albinfo.ch.