Rritet numri, 10.000 të shëruar nga koronavirusi në Zvicër

Deri më tani është bërë testimi i qindra-mijëra personave nën dyshimin se mund të jenë të prekur nga koronavirusi në Zvicër.

Të dhënat e fundit tregojnë se numri i të shëruarve në Zvicër është rritur dukshëm në këto ditët e fundit, transmeton albinfo.ch.

Informacionet e fundit tregojnë se deri tani ka pasur 948 vdekje të konfirmuara, sipas raporteve nga kantonet – ndërsa 10.000 njerëz janë konfirmuar se janë shëruar plotësisht nga virusi.

Autoritetet shëndetësore zvicerane kanë njoftuar zyrtarisht se nga numri i përgjithshëm i të prekurve nga koronavirusi, tani mbi 10 mijë persona janë shëruar plotësisht në Zvicër, shkruajnë mediat zvicerane.

Shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, duke ngritur numrin zyrtarisht në mbi 10 mijë, shkruan The local.

Deri më sot janë më shumë se 24 mijë raste të infektimeve me koronavirus.  Siç njofton Zyra Federale për Shëndetin Publik (BAG), numri i rasteve të vërtetuara të infekstimit me koronavirus në Zvicër tashmë është ngritur, shkruan srf.ch.

Të gjithë të sëmurët janë izoluar dhe po marrin trajtim nga organet shëndetësore.

Të dhënat e fundit tregojnë se përkundër rritjes së të prekurve nga koronavirusi, ka rritje dukshëm edhe të të shëruarve. /Albinfo.ch

---