Rritet numri i të vaksinuarve plotësisht në Zvicër

Më shumë njerëz në Zvicër janë vaksinuar plotësisht nga sa mendohej fillimisht

Numri i banorëve të konsideruar të inokuluar plotësisht u rishikua dhe tani ka arritur nga 54.9 për qind në 57.9 për qind, pasi Zyra Federale e Shëndetit Publik (BAG) tani po merr parasysh njerëzit që ishin shëruar nga Covid dhe iu administruan vetëm një doze, përcjell albinfo.ch.

Para korrigjimit, njerëzit që morën një dozë vaksine pas infektimit u llogaritën si “pjesërisht të vaksinuar”, një kategori, e cila përfshin gjithashtu njerëzit që presin vaksinën e tyre të dytë.

Kantoni Basel-Stadt tani ka shkallën më të lartë të vaksinimit të plotë (62 për qind), i ndjekur nga Cyrihu (61.3), Ticino (61), Basel-Land (60.8), me Zug dhe Vaud që kanë arritur 60.5 për qind.

Appenzell Innerrhoden është prapa pjesës tjetër të vendit me vetëm 47.1 për qind të banorëve të vaksinuar.

---