Rritet numri i ujqërve në Alpet zvicerane

Numri i ujqërve në alpet zvicerane do të vazhdojë të rritet edhe nëse rregullat e gjuetisë do të lehtësohen, sipas ekspertëve.

Grupi “Wolf Switzerland” tha se më shumë se 250 tufa të ujqërve jetonin në mjedisin alpin të Evropës vitin e kaluar, ndërsa kishte hapësirë ​​për një popullsi deri në 800 tufa, raporton Albinfo.ch.

Sipas këtij grupi, lëvizshmëria e kafshëve përtej kufijve të vendit dhe brenda Zvicrës e bëri të domosdoshme që fermerët të rrisin mbrojtjen e bagëtive të tyre.

Deklarata erdhi mes një serie sulmesh të ujqërve kundër lopëve dhe deleve, ndërsa shikimi i më shumë këlyshëve të ujqërve në Zvicrën juglindore, u bënë kryetituj gjatë javëve të fundit.

Numri i ujqërve në Alpet zvicerane do të vazhdojë të rritet edhe nëse rregullat e gjuetisë do të lehtësohen, sipas ekspertëve.

Dy vjet më parë, votuesit vendosën veton ndaj një vendimi parlamentar për të lehtësuar kufizimet në gjuetinë e ujqërve në Zvicër.  Sipas ligjit aktual, ujku është një specie e mbrojtur dhe mund të asgjësohet vetëm nëse fillimisht vret një numër të caktuar bagëtish.

Tufat e para të ujqërve u zbuluan në rajonin kufitar franko-italian në vitin 1993. Pak më vonë ujqërit e parë të egër u panë në alpet zvicerane./Albinfo.ch

---