Rrjedhje ozoni në pishinën e shkollës, evakuohen nxënësit dhe mësuesit

Në vendin e ngjarjes kanë shkuar gjithsej rreth 200 pjesëtarë të shërbimeve emergjente, katër helikopterë shpëtimi dhe 17 autoambulanca

Sot, pak para orës 16:00, policia e kantonit Schwyz ka marrë një mesazh se një numri fëmijësh dhe të rriturish në pishinën e mbuluar të shkollës Seefeld në Lachen papritmas u janë paraqitur kollitje dhe vështirësi në frymëmarrje.

Gjithsej 60 nxënës dhe të rritur të klasës së tretë dhe të gjashtë janë evakuuar menjëherë nga ndërtesa, raporton polizeinews.ch

Sipas një deklarate, 12 nxënës dhe një i rritur me vështirësi në frymëmarrje u desh të dërgoheshin në spital, transmeton albinfo.ch. Nxënësit e tjerë të prekur të janë dërguar në shtëpi pa simptoma ose u janë dorëzuar prindërve të tyre.

Në total, shërbimet e urgjencës kanë ofruar kujdes mjekësor për mbi 40 persona.

Në vendin e ngjarjes kanë shkuar gjithsej rreth 200 pjesëtarë të shërbimeve emergjente, katër helikopterë shpëtimi dhe 17 autoambulanca. Shkaku i rrjedhjes së ozonit në pishinë është aktualisht i paqartë dhe po sqarohet nga policia e kantonit Schwyz.

(Foto: Kapo Schwyz)

---