Saksonia dëbon 563 shqiptarë, shumicën gjatë javëve të fundit

Një aeroplan tjetër charter me 34 persona në bord nga Saksonia është nisur drejt Shqipërisë dhe Kosovës.

Saksonia vijon të dëbojë numër të madh të azilkërkuesve, të cilëve u është refuzuar kërkesa. Së fundi ka dëbuar 45 persona të tillë, prej të cilëve 17 ishin nga Tunizia, thonë nga Ministria e Brendshme e Dresdenit, shkruan DPA. 11 prej të dëbuarve jetonin në landin e Saksonisë, prej të cilëve tetë në burg, përcjell albinfo.ch.

Një aeroplan tjetër charter me 34 persona në bord nga Saksonia është nisur drejt Shqipërisë dhe Kosovës.

“Mbi të gjitha azilkërkuesve, të cilëve u është hedhur poshtë kërkesa dhe ndërkohë janë dënuar, duhet të lëshojnë menjëherë vendin”, thanë nga Ministria e Brendshme gjermane.

Nga fundi i korrikut, sipas të dhënave zyrtare, janë dëbuar nga Saksonia (Sachsen) 609 tunizianë, 331 kosovarë dhe 232 shqiptarë. Gjatë gjithë 2017-ës kjo shifër ishte 137 tunizianë, 296 kosovarë dhe 286 shqiptarë.

---