Santana konfirmon turneun “Supernatural now”

Carlos Santana do të pushtojë skenat muzikore këtë verë, me turneun “Supernatural Now”.

Turneu tremujor do të mbahet në disa qytete të Amerikës së Veriut, për të përkujtuar dy momente të rëndësishme në karrierën e kitaristëve: 20-vjetori i albumit  “Supernatural” dhe 50-vjetori i performancës madhështore në festivalin e muzikës Woodstock.

“Ishte surprizë e pabesueshme, sepse askush nuk e dinte se kush ishte Santana, sepse nuk kishim një album,” tha Santana për Reuters.

“Kjo për shkak të këmbënguljes së Bill Grahamit, i cili i tha producentit Michael Lang se për Santanan do të dëgjoni më vonë”, ka shtuar ai. “Supernatural Now” do të fillojë në Arizona më 22 qershor 2019, do të bëjë ndalesa në Dallas, Chicago, Toronto, e do të përfundojë në New York, më 25 gusht.

Albumi i Santanas i vitit 1999, “Supernatural”, ishte sukses i pashembullt.

Më shumë se 30 milionë kopje të albumeve “Smooth” dhe “Maria Maria” u shitën në mbarë botën. Ato kryesonin listat në më shumë se dhjetë vende dhe u shpërblyen edhe me Grammy.

Santana pranon se gjatë turneut do të këndohen këngë nga albumi “Supernatural and Ëoodstock”, por do të ketë edhe këngë të reja.