Së shpejti filmi i ri “John Wick: Chapter 3 – Parabellum”

Është lansuar trileri i fundit i filmit “John Wick: Chapter 3 – Parabellum”, i cili, për protagonistë i ka aktorët Keany Reeves dhe Halle Berry . Filmi i ardhshëm është i mbushur me skena aksion.

Keanu rikthehet në rolin e vrasësit profesional John Wick, derisa edhe në këtë vazhdim të tretë, rolin e regjisorit e ka Chad Stahelski, i cili i ka drejtuar edhe dy filmat e mëparshëm.

Duke qenë ende i përndjekur pas vrasjes së Santino D’Antonio-s në hotelin Continental, dhe me çmimin prej 14 milionë dollarësh si dëmshpërblim për vrasjen e tij, John Wick tashmë është dëbuar nga komuniteti i vrasësve profesionalë, që do të thotë nuk e ka përkrahjen e askujt dhe kështu detyrohet të largohet nga New Yorku, me ndihmën e një vrasëseje të personifikuar në film nga Halle Berry, e cila është e vetmja që ende i beson atij.

Studioja filmike “Lionsgate” planifikon ta lansojë filmin “John Wick: Chapter 3 – Parabellum” nëpër kinematë e Amerikës Veriore, nga 17 maji i këtij viti.