Sekuestrohen 150 kilogramë mish qengji të prishur në Vjenë

Autoritetet në Vjenë konfiskuan 150 kilogramë mish qengji të ruajtur në një bagazh makine dhe një bodrum, në kushte të rrezikshme, përcjell albinfo.at.

ORF raportoi se mishi e kishte origjinën nga Soproni, në Hungari, një zonë e kufizuar për shkak të sëmundjes Afta Epizootike.

Thuhet se tani mishi është hedhur dhe po ndiqet procedura e rregullt lidhur me këtë rast, që autoritetet austriake e konsiderojnë shumë të rrezikshëm për qytetarët e saj. /Albinfo.at